Oralda baspanasy sýǵa ketken saıajaı turǵyndaryna 62 úı berildi

<p>ORAL. KAZINFORM &ndash; Oralda qalalyq komıssııaǵa saıajaı turǵyndarynan sý tasqyny saldarynan keltirilgen shyǵyndy óteý jóninde 10 492 ótinish tústi.</p>

Qala ákimdiginen málim etkenindeı, sonyń ishinde 4 519 turǵynnyń úıi jalǵyz baspana bolyp shyqty. 5 967 ótinish ıesiniń QR aýmaǵynda eki nemese odan kóp turǵyn úıi bar ekeni anyqtaldy.

Kúni búginge deıin tehnıkalyq zertteý mekemelerimen 2 300 jalǵyz turǵyn úıi bar azamattardyń mekenjaılary boıynsha tekserý júrgizildi.

«Qalalyq komıssııa 2 098 materıaldy qarap, sonyń qorytyndysy boıynsha 1 395 úı turýǵa jaramsyz dep tanyldy. 473 úı jóndeýge jatady (15 azamatqa barlyǵy 35,2 mln teńge tólendi). 230 mekenjaı boıynsha úıge sý kirmeýine nemese jer ýchaskesinde qurylymnyń bolmaýyna baılanysty jańa baspana berilmeıdi. Komıssııanyń qorytyndysy boıynsha 62 otbasyna turǵyn úıdiń kilti tabys etildi. Búlingen múlikti óteý boıynsha (150 AEK-ge deıin) 1 462 úıge shyǵyndy baǵalaý júrgizilip, qorytyndy shyqty. Jumys jalǵasýda», dep habarlady vedomstvodan.

Eske sala keteıik, budan buryn BQO-da salynyp jatqan úıdiń qabyrǵasy qulaýyna baılanysty aýdan ákimi men basqarma basshysyna eskertý jarııalanǵanyn jazǵan bolatynbyz.

BQO-da qarajattyń jetispeýine baılanysty turǵyn úı qurylysy kesheýildep otyr.