Oralda balabaqshada shkaftyń qulaýyna baılanysty qylmystyq is qozǵaldy
BQO polıtsııa departamentiniń baspasóz qyzmetinen málim etkenindeı, atalmysh oqıǵaǵa oraı Oral qalasy polıtsııa basqarmasy istiń mán-jaıyn anyqtaý ústinde.
«Qazirgi kezde QR QK 140-baby 2-bóligine (kámeletke tolmaǵan adamdy tárbıeleý jónindegi mindetterdi oryndamaý) sáıkes sotqa deıingi tergeý amaldary júrgizilýde. Atalmysh bap boıynsha aıypty dep tanylǵan adam belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa deıingi merzimge aıyra otyryp nemese onsyz, bir júz alpys aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne bir júz alpys saǵatqa deıingi merzimge qoǵamdyq jumystarǵa tartýǵa ne qyryq táýlikke deıingi merzimge qamaqqa alýǵa jazalanady», dep habarlady vedomstvodan.
Eske sala keteıik, budan buryn Oralda babalaqshada shkaf qulap, tórt búldirshin men tárbıeshi jaraqat alǵanyn jazǵan bolatynbyz.
Sondaı-aq Oralda balabaqshada shkaftyń qulaýyna baılanysty tárbıeshi jaýapqa tartyldy.