Oralda balabaqshada shkaf qulap, tórt búldirshin men tárbıeshi jaraqat aldy
BQO densaýlyq saqtaý basqarmasynyń baspasóz qyzmetinen málim etkenindeı, oqıǵa 1 aqpan kúni qalanyń Soltústik-shyǵys shaǵynaýdanynda «Sábı» balabaqshasynda boldy.
«Jedel járdem saǵat 11.30-da shaqyrtylyp, brıgada 8 mınýttan keıin jetken. Shkaf qulap, bes adam zardap shekken, onyń tórteýi – balalar. Aldyn ala málimet boıynsha jambasynyń jumsaq tini kógergen 1976 jylǵy áıel qalalyq kópbeıindi aýrýhanaǵa jetkizildi. Dárigerler teksergennen keıin áıel ambýlatorııalyq em alýǵa joldandy. 2018 jylǵy qyz balalardyń deneleri kógergen. Oblystyq kópbeıindi balalar aýrýhanasynda qaralǵannan keıin olardyń jaǵdaıy qanaǵattanarlyq bolǵandyqtan, ambýlatorııalyq em alýǵa úılerine jiberildi», dep habarlady vedomstvodan.
Instagram áleýmettik jelisinde jarııalanǵan málimetke qaraǵanda, balabaqsha basshylyǵy komıssııany qarsy alýǵa daıyndalyp jatqan. Shkafty qoıǵanmen, ol qabyrǵaǵa bekitilmegen. Tárbıeshi qulap bara jatqan shkafqa umtylyp, tárbıelenýshilerin barynsha qorǵap qalǵan.
BQO bilim basqarmasynyń baspasóz qyzmeti aqparatty keıin beretinin jetkizdi.