Oralda balabaqshada et ıistenip ketken: meńgerýshi qyzmetinen bosatyldy

<p>&nbsp;Oral qalasynda balabaqshada ettiń ıistenip ketý deregi boıynsha meńgerýshi qyzmetinen bosatyldy, dep habarlaıdy QazAqparat tilshisi.&nbsp;</p>

Oral qalasy bilim berý bóliminiń baspasóz qyzmetinen málim etkenindeı, oqıǵa №47 «Báıterek» bóbekjaıynda boldy.

«Balabaqsha qoımashysy 22 qyrkúıek kúni aspazdarǵa tońazytqyshtan etti shyǵaryp bergen. 25 qyrkúıek kúni aspazdar etti ydysqa salyp, gazǵa pisirýge qoıǵan. Jumysqa kelgen bóbekjaı meńgerýshisi saǵat 07.30-da ashanaǵa tamaqty tekserýge baryp, ıistengen etti ydystan shyǵartqyzyp, ornyna basqa et salǵyzǵan. Azyq-túliktiń buzylýy boıynsha akt toltyryldy. Qoımashy men aspazǵa sógis túrindegi tártiptik jaza berildi. Oral qalasy bilim berý bóliminiń 25 qyrkúıek kúngi №137§1 buıryǵymen bóbekjaı meńgerýshisi Toıan Muqatova jumystan bosatyldy», - dep habarlady vedomstvodan.

BQO Sanıtarlyq-epıdemıologııalyq baqylaý departamenti bul jaǵdaı boıynsha tekseris ashýdyń múmkin emestigin jetkizdi. Óıtkeni ata-analardan nemese Oral qalasy bilim berý bóliminen jergilikti sanepıdbaqylaý basqarmasyna aryz túsken joq. Qazir zańnama boıynsha moratorıı óz kúshinde.

Eske sala keteıik, budan buryn Oralda 1 jasar qyzdyń tórtinshi qabattan qulap ketkenin jazǵan bolatynbyz.