Oralda azyq-túlik tıelgen avtokerýen elordaǵa jol tartty

ORAL. QazAqparat – Oraldan elordada ótetin dástúrli aýyl sharýashylyǵy ónimderi jármeńkesine qatysý úshin avtokerýen jol tartty, dep habarlaıdy QazAqparat tilshisi.

BQO aýyl sharýashylyǵy basqarmasy basshysynyń orynbasary Denıs Omashevtyń aıtýynsha, jármeńke 12-13 qyrkúıek kúnderi ótedi.

Batys Qazaqstan oblysynan jármeńkege 85 aýyl sharýashylyǵy taýaryn óndirýshi qatyspaqshy.

Nur-Sultan qalasyna barlyǵy 92 tonna ónim jetkizilmekshi. Atap aıtqanda, elordalyqtarǵa 30 tonna sıyr jáne jylqy eti, 15 tonna shujyq pen qalbyr ónimderi, 10 tonna balyq, 20 tonna un men makaron ónimderi, 2 myń lıtr ósimdik maıy men 2 tonna sary maı, 1 myń lıtr qymyz, 5 myń lıtr sýsyn, 50 myń danadaı jumyrtqa, 5 kondıter ónimderi usynylmaqshy.

Jármeńkege oblystyń barlyq aýdanynan kásipkerler baryp, qoljetimdi baǵamen ekologııalyq jaǵynan taza ónimderin sórege qoımaqshy.

Eske sala keteıik, budan buryn Batys Qazaqstanda 250 myń tonnaǵa jýyq astyq jınalǵanyn jazǵan edik.