Oralda áıelimen janjaldasqan 30 jastaǵy turǵyn 9 qabatty úıdiń tóbesinen sekirmek bolǵan

<p>ORAL. KAZINFORM &ndash; Oral qalasynda ýchaskelik polıtsııa ınspektorlary 9 qabatty úıdiń tóbesinen sekirip ketpekshi bolǵan 30 jastaǵy turǵyndy qutqaryp qaldy.</p>

BQO polıtsııa departamentiniń baspasóz qyzmetinen málim etkenindeı, 12 mamyr kúni túngi saǵat 23.20-da Oral qalasynyń turǵyny Qurmanǵazy kóshesi boıyndaǵy toǵyz qabatty úıdiń tóbesinde belgisiz bireýdiń júrgeni týraly habarlaǵan.

«Túngi patrýlde júrgen Oral qalasy polıtsııa basqarmasy Abaı polıtsııa bóliminiń ýchaskelik ınspektorlary, polıtsııa leıtenanttary Ernar Ótenov pen Medetnar Jasybaev oqıǵa ornyna kelgen kezde aıaǵyn salbyratyp, tóbede otyrǵan er adamdy kóredi. Oqys oqıǵanyń aldyn alý maqsatynda tártip saqshylary er adamdy áńgimege tarta bastaıdy. Onyń aldanyp turǵan sátin paıdalanyp, ońtaıly sátte ózine tartyp qalyp, qaýipsiz jerge shyǵaryp, tynyshtandyrady. Tekserý barysynda anyqtalǵanyndaı, 30 jastaǵy jigit áıelimen janjaldasyp, mas kúıinde tóbeden sekirmek bolǵan. Abyroı bolǵanda, bári sátti aıaqtalyp, tártip saqshylarynyń qyraǵylyǵy men eptiligi arqasynda aman qaldy. Keıin polıtseıler ony Oral qalasyndaǵy ýaqytsha beıimdeý jáne detoksıkatsııa ortalyǵyna jetkizdi. Er adamnyń ómirine esh qaýip joq», dep habarlady vedomstvodan.

Eske sala keteıik, budan buryn Batys Qazaqstanda Jaıyq ózeninde 7 adamnyń qutqarylǵanyn jazǵan bolatynbyz.