Oralda avtokólik qaǵyp ketken jaıaý júrginshi aýrýhanada kóz jumdy

<p>ORAL. KAZINFORM &ndash; Oral qalasynda avtokólik qaǵyp ketken jaıaý júrginshi mert boldy.</p>

BQO polıtsııa departamentiniń baspasóz qyzmetinen málim etkenindeı, 19 mamyr kúni júrgizýshi «VAZ 21140» avtokóligimen Saraıshyq pen Qurmanǵazy kósheleriniń qıylysynda baǵdarshamnyń ruqsat etilgen belgisine burylý kezinde jaıaý júrginshini qaǵyp ketken. 

«Jaıaý júrginshi Qurmanǵazy kóshesimen joldan ótip bara jatqan. Jol apaty saldarynan ol túrli jaraqatpen aýrýhanaǵa jatqyzylyp, onda esin jımastan qaıtys boldy. Atalǵan derek boıynsha qylmystyq is qozǵalyp, tergeý amaldary júrgizilip jatyr. Avtokólik arnaıy avtoturaqqa qoıyldy», - dep habarlady vedomstvodan. 

Turǵyndardyń sózine qaraǵanda, 37 jastaǵy qyz eki kúnnen keıin aýrýhanada kóz jumǵan.

Eske sala keteıik, budan buryn BQO-da bosaný kezinde kóz jumǵan áıeldiń kúıeýi ádildik kútetinin jazǵan bolatynbyz.