Oralda avtokólik qaǵyp ketken 64 jastaǵy er adam mert boldy

ORAL. QazAqparat – Oral qalasynda avtokólik qaǵyp ketken 64 jastaǵy er adam kóz jumdy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkendeı, oqıǵa 12 shilde kúni shamamen saǵat 10.00-de «Omega» zaýyty aýdanyndaǵy kópirde boldy.

«1947 jylǵy júrgizýshi «ÝAZ» avtokóligimen kópirde 64 jastaǵy er adamdy qaǵyp ketti. Jol apaty saldarynan er adam oqıǵa ornynda qaza tapty. Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilip jatyr. Tıisti saraptamalar taǵaıyndaldy», dep habarlady vedomstvodan.

Marqumnyń «Jaıyq Taza Qala» JShS qyzmetkeri ekeni anyqtaldy.

BQO densaýlyq saqtaý basqarmasy baspasóz qyzmetiniń naqtylaýynsha, er adam jedel járdem barǵansha qaıtys bolyp ketken.

Eske sala keteıik, budan buryn Batys Qazaqstanda jol apatynan taǵy eki adamnyń mert bolǵanyn jazǵan edik.