Oralda avtogaz birde bar, birde joq – júrgizýshi

<p>ORAL. KAZINFORM &ndash; Oral qalasynda avtogaz quıý stansalarynyń birqatarynda suıytylǵan munaı gazy joq bolsa, barlarynda kezek seıilmeı tur. Osy oraıda Kazinform tilshisi kezekte turǵan júrgizýshilermen tildesip kórdi.</p>

Aıbolat Esqalıevtiń aıtýynsha, júrgizýshiler suıytylǵan gazdyń tapshylyǵynan qıyndyq kórýde.

«Oralda shynynda da gaz birde bar, birde joq. Bolǵannyń ózinde, mine, uzyn-sonar kezek. Qanshama ýaqytty joǵaltyp jatyrmyz. Álde suıytylǵan gazdyń baǵasyn kótereıin dep jatyr ma, belgisiz. Máseleniń qashan sheshiletinin de bilmeımiz», - deıdi A.Esqalıev.

Foto: Ǵaısaǵalı seıtaq/Kazinform

BQO energetıka, turǵyn úı-kommýnaldyq sharýashylyq basqarmasy basshysynyń orynbasary Beıimbet Mýsınniń sózine qaraǵanda, búginnen «Jaıyqmunaı» JShS oblys úshin qarasha aıyna bekitilgen 4 030 tonnany berýdi bastaıdy. Búgin 160 tonnaǵa jýyq suıytylǵan munaı gazy jiberiledi.

Foto: Ǵaısaǵalı seıtaq/Kazinform

«Ótken aıda Atyraý oblysy bizben birge Batys Qazaqstanda óndirilgen ónimniń jartysyn alyp otyrdy. ıAǵnı «Jaıyqmunaı» JShS kúnine 200 tonna shyǵarsa, sonyń jartysymen bólistik. Endi osy aıda Atyraý oblysy gazdy basqa zaýyttan alady», - dedi B.Mýsın.

Eske sala keteıik, budan buryn Batys Qazaqstan oblysynda suıytylǵan gaz tapshylyǵy týyndaǵanyn jazǵan bolatynbyz.

Batys Qazaqstanda gaz quıý stansalarynda kezek áli kóp.