Oralda aýa raıyna baılanysty ushaqtar ushpaı jatyr

<p>Oral qalasynda aýa raıyna baılanysty ushaqtar ushpaı jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Oral halyqaralyq áýejaıy» JShS baspasóz qyzmetinen málim etkenindeı, qolaısyz meteojaǵdaılarǵa baılanysty Astana-Oral-Astana reısi toqtatyldy.

Sondaı-aq Frankfýrt-Astana-Oral reısi de keshiktirildi.

«Atyraý-Oral-Atyraý jáne Túrkistan-Oral-Túrkistan reısteri toqtatyldy. Aıta keteıik, Oral áýejaıy ashyq, áýe kemelerin qabyldaýǵa jáne jóneltýge daıyn. Biraq aýa raıyn eskere otyryp, áýe kompanııalary qoný týraly sheshimdi qabyldaıdy. Qazirgi ýaqytta qatty jelge qosa qar tolassyz jaýyp turǵandyqtan, áýe kompanııalary reısterdi keıinge qaldyrý jóninde sheshim qabyldady», - dep habarlady vedomstvodan.

Eske sala keteıik, budan buryn Oraldan Taılandqa reıs ashylǵanyn jazǵan bolatynbyz.