Oralda aýa raıyna baılanysty áýe reısteri keıinge shegerildi

<p>Aýa-raıynyń qolaısyzdyǵynan Oral áýejaıynyń ushý-qoný jolaǵyndaǵy ilinistiń tómen koeffıtsıentine baılanysty Air Astana-nyń Oral-Frankfýrt-Oral jáne Oral-Astana baǵyttary boıynsha, sondaı-aq Almatydan Oralǵa jáne qaıtar reısteri toqtatyldy. Bul týraly <a href="https://kaz.inform.kz/" target="_blank" rel="noopener">Kazinform</a> Air Astana-ǵa silteme jasap habarlaıdy. </p>

Oryndalmaǵan reısterdiń jolaýshylaryna tamaq berilip, tegin qaıta brondaý nemese bıletti qaıtarý usynyldy. Oral-Astana reısiniń jolaýshylaryna qonaqúıge ornalastyrý, tamaqtaný jáne transfer usynyldy.

«Áýekompanııa reısteriniń keshigýi jáne toqtatylýy qaýipsizdik sharalarynan týyndaǵanyn eskertemiz. Kidirister týraly aqparat alý úshin [phone] jedel jeli arqyly habarlasyp, reısterdiń mártebesin áýekompanııanyń resmı saıtynda tekserýdi suraımyz», — dep túsindirdi áýe kompanııasynan.