Oralda apatty úılerde turǵan 64 turǵyn baspanaly boldy
Qalanyń soltústik-shyǵys bóliginde salynǵan 9 qabatty turǵyn úıdegi páterler jalǵyz baspanasy apatty dep tanylǵan azamattarǵa berildi.
Atalmysh nysandy «JaıyqSelStroı» JShS bir jarym jyl ishinde salyp bitirdi. Mundaǵy páterlerdiń 32-si - eki bólmeli, qalǵan jartysy - bir bólmeli.
Jańa úıdiń ashylý rásimine qatysqan Oral qalasynyń ákimi Abat Shynybekov shaharda apatty úıler máselesi memlekettik - jekeshelik áriptestik aıasynda sheshilip kele jatqanyn jetkizdi.
«Atalmysh turǵyn úı oblys ákimdigi men «KPO b.v.» kompanııasy arasyndaǵy kelisimge sáıkes salyndy. Jalpy, 2015 jyldan beri qalada 29 apatty úı súrilip, ornyna 9 qabatty turǵyn úı boı kóterdi. Bul baǵyttaǵy jumystar jańa jylda da jalǵasyn tabady», - dedi qala basshysy.
Eske sala keteıik, budan buryn Oralda jańa mektep ashylǵanyn jazǵan bolatynbyz.