Oralda «Amanat» azamattyq alańy óz jumysyna belsendilerdi keńinen tartpaq

ORAL. QazAqparat - Aldaǵy Prezıdenttik saılaýdy ádil de ashyq ótkizýdiń mańyzy zor. Bul týraly «Amanat» azamattyq tuǵyrnamasynyń bastamashyl top ókilderimen kezdesýinde aıtyldy, dep habarlaıdy QazAqparat tilshisi.

«Zaman» jastar qoǵamdyq birlestiginiń tóraǵasy, "Amanat" azamattyq tuǵyrnamasy BQO ókildiginiń jetekshisi Ashat Ókshebaevtyń aıtýynsha, búgin shtab músheleri tanystyrylyp, alda atqarylatyn jumys barysy pysyqtaldy.

«Amanat» azamattyq alańy saılaýǵa qoǵamdyq monıtorıng júrgizý maqsatynda qurylǵan bolatyn. Onyń quramyna jurtshylyq, BAQ ókilderi, jastar, sarapshylar, azamattyq belsendiler kirdi.

Saılaýdy ádil ótkizýge múddeli azamattar men sarapshylardan 250-den astam usynys jınaqtalyp, sonyń negizinde bes baǵytty qamtıtyn tujyrymdama ázirlendi.

Bul tujyrymdamanyń oıdaǵydaı júzege asýy úshin oblystaǵy qoǵamdyq uıymdardyń da belsendiligi artyp otyr.

«Qazirgi kezde barlyq aýdanda shtab jumysyn júrgizetin ókilder jasaqtalýda. «Amanat» azamattyq alańyna belsendilerdi keńinen tartýdy kózdep otyrmyz. ıAǵnı, saılaýshylar úmitkerlerge usynys-tilekterin, ótinish-talaptaryn jetkize alatyndaı aqparat almasý arnasy qurylsa deımiz. Sonymen qatar azamattardyń pikirlerin eskere otyryp, olardyń saılaý nátıjelerine senimin qalyptastyrý mańyzdy. Osy oraıda "Amanat" azamattyq alańy barlyq óńirlerde jedel jumys jasaý úshin halyqaralyq uıymdarmen, OSK, jergilikti jerlerdegi saılaý komıssııalarymen, Joǵarǵy sot, Bas prokýratýramen, jergilikti atqarýshy organdarmen, kandıdattardyń saılaýaldy shtabtarymen tyǵyz baılanys ornatpaqshy», dedi QazAqparat tilshisine A.Ókshebaev.

Eske salsaq, buǵan deıin de «Amanat» alańynyń qoǵamdyq shtaby qurylǵandyǵy týraly habarlaǵan bolatynbyz.