Oralda alǵashqy jaýǵan qar kólik qozǵalysyna qıyndyq keltirdi
Oral qalasy ákimdiginen málim etkenindeı, qardan tazartý jumystaryna 139 arnaıy tehnıka, sonyń ishinde 25 qum tósegish, 30 «MTZ» traktory, 53 «KamAZ», 27 tıegish, trotýarlarǵa arnalǵan 4 «VTZ» traktory jumyldyrylǵan.
«Eń aldymen tehnıkalar jol qaýipsizdigi úshin negizgi jáne magıstraldyq kóshelerdi tazartýda. Osy jumystar aıaqtalǵannan keıin qalǵan kósheler men jeke sektorlarǵa kezek keledi. Qazirgi ýaqytta «Asan» jáne «Balaýsa» polıgonynda 30 myń tonna qum-tuz qospalary daıyndaldy. Qala kóshelerinde jol-kópir sharýashylyǵynyń 300 jumysshysy jumys isteýde. Qol jumystary saıabaqtar men skverlerde júrgizilip, aıaldamalar men jaıaý júrginshiler ótkelderi tazalanýda», — dep habarlady vedomstvodan.
Turǵyndardyń sózine qaraǵanda, jaýǵan qardyń saldarynan kóktaıǵaq paıda bolyp, kólik qozǵalysyna qıyndyq keltirýde.
Muny áleýmettik jelide taralyp jatqan beınejazbalardan kórýge bolady.
Qalanyń shetki aýdandarynda kóshe joldary ázirge qardan tazalanyp jatqan joq.
Eske sala keteıik, budan buryn Oral qalasynda kóshe joldary qardan qalaı tazartylatynyn jazǵan bolatynbyz.