Oralda adamdy pyshaqtaǵan kúdikti Germanııada ustaldy

NUR-SULTAN. QazAqparat – 2017 jyly Oralda adamdy pyshaqtaǵan kúdikti Germanııada ustaldy. Bul týraly QR Іshki ister mınıstrliginiń ókili Shuǵyla Turlybek vedomstvonyń onlaın brıfıngisinde aıtty, dep habarlaıdy QazAqparat tilshisi.

«Qazaqstandaǵy ınterpoldyń ulttyq ortalyq bıýrosy Germanııanyń Herford qalasyndaǵy áriptesterimen ózara is-qımyl kezinde Batys Qazaqstan oblysynyń polıtsııa departamenti izdestirip júrgen 29 jastaǵy Reseı azamatyn ustady. Ol 2017 jyly Oral qalasynda avtoturaq mańynda óz otandasyna pyshaq jaraqatyn salǵan. Jábirlenýshi aýrýhanaǵa jetkizilip kóz jumǵan bolatyn», - dedi Sh. Turlybek.

Kúdiktiniń shetelde ózi týraly derekterdi aýystyryp jasyrynyp júrgendigi anyqtaldy.

«Qazirgi ýaqytta ol qamaýǵa alyndy, ony bizdiń elge ekstradıtsııalaý týraly másele sheshilip jatyr», - dedi vedomstvo ókili.

Budan buryn habarlanǵandaı, bir apta ishinde elimizde 3 397 qylmys tirkeldi. Onyń 1 986-y táýlik ishinde ashyldy.