Oralda 8-qabattan qulaǵan stýdent qyzdyń belomyrtqasyna ota jasaldy

<p>Oralda 8-qabattan qulaǵan&nbsp; 17 jastaǵy stýdent qyzdyń belomyrtqasyna ota jasaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

BQO densaýlyq saqtaý basqarmasynyń baspasóz qyzmetinen málim etkenindeı, oblystyq kópbeıindi balalar aýrýhanasynda mundaı kúrdeli ota alǵash ret jasaldy.

21 qazan kúni segizinshi qabattan qulap ketken qyz aýrýhanaǵa aýyr jaǵdaıda túsken edi. Uzaq ýaqyt boıy jansaqtaý bóliminde jatqan emdelýshi buǵan deıin birneshe ret otadan ótken edi.

«Búgin atalǵan aýrýhanada neırohırýrg Bekejan Traısovtyń jetekshiligimen birinshi ret bel jaraqatyn alǵan patsıentke omyrtqalardyń transpedıkýlıarly fıksatsııasy otasy jasaldy. Bes saǵatqa sozylǵan ota sátti ótti, asqynýlar bolǵan joq. Kúrdeli otaǵa B.Traısovpen birge neırohırýrgtar Aıbek Ahatov, Eskeldi Jókenov, Jaıdar Saparǵalı jáne anestezıolog-reanımatolog Mırbolat Jumaǵulov qatysty», - dep habarlady vedomstvodan.

Eske sala keteıik, budan buryn Oralda stýdent qyzdyń segizinshi qabattan sekirip ketkenin jazǵan bolatynbyz.