Oralda 71 myńnan astam adam jer kezeginde tur
Onyń aıtýynsha, jeke turǵyn úı salýǵa jer telimderin berý ózekti máseleniń biri bolyp otyr.
Ókinishke qaraı, daıyndalǵan alańdardyń bolmaýyna baılanysty jer telimderin berý 2012 jyldan beri toqtap tur. 2000-2012 jyldar aralyǵynda jalpy kólemi 1496,72 ga jer telimi 15 myńǵa jýyq azamatqa berilgen bolatyn.
Memleket basshysynyń tapsyrmasyna sáıkes qazirgi tańda elimizde «Nurly jer» baǵdarlamasy júzege asyrylyp jatqany málim. Osyǵan oraı Krýgloozernyı kenttik okrýgi aýmaǵynda detaldy jobalaý jospary (PDP) jasaldy. Ol jeke turǵyn úı salý úshin arnaıy esepke turǵan azamattarǵa 1145 jer telimin berýdi kózdeıdi. Detaldy jobalaý josparyna sáıkes aldaǵy jyldan bastap bul aýmaqta ınjenerlik jelilermen (gaz, elektr qýaty, sý, jol) qatar mektep, balabaqsha, emhana, sport kesheni sekildi áleýmettik nysandar salynady.
«2011 jyldyń shilde aıynda QR Jer kodeksiniń 50-babyna ózgerister engizilip, soǵan sáıkes jeke turǵyn úı salý úshin jer telimderi 2 jyl merzimge deıin jaldaý shartymen qysqa merzimge ýaqytsha paıdalanýǵa beriletin boldy. Buryn osyndaı jer telimderi birden jeke menshikke berilgendikten, ony alǵan azamattardyń kópshiligi ıgermeı, alyp-satýmen aınalysyp kelgeni belgili. Endi jer telimderi onda turǵyzylǵan úıdiń qurylysy bitip, qabyldaý aktisine qol qoıylǵannan keıin ǵana jeke menshikke ótedi», dedi.
Shahar basshysy sondaı-aq qala aýmaǵynda 165 baý-baqsha seriktestigi ornalasqandyǵyn jetkizdi. Ondaǵy azamattardyń kóbi jer telimderin alǵannan keıin zańdy durys bilmegendikten, óz attaryna ýaqtyly aýdarmaǵan. Biraq tıisti ruqsat beretin qujattary bolmasa da, jer telimderin óz maqsatyna paıdalanyp otyr. 2016 jyldyń 6 mamyryndaǵy «Jer zańdylyǵynyń jekelegen normalaryn qoldanýǵa moratorıı engizý týraly» Jarlyqqa baılanysty endi aýyl sharýashylyǵy maqsatyndaǵy jerler jeke menshikke berilmeıdi. Moratorıı 2021 jyldyń 31 jeltoqsanyna deıin kúshinde bolady.
Sonymen qatar qalada ıesiz jatqan, paıdalanylmaǵan nemese QR zańdylyǵy talaptaryna saı kelmeıtin jerlerdi anyqtaý jumystary júrgizilýde. 2016-2018 jyldary ıesi joq 123 jer telimi anyqtalyp, esepke alyndy. Aldaǵy ýaqytta bul jerler sot sheshimimen memleket menshigine ótedi.
«Ótken jyldyń sońynda tsıfrlandyrý aıasynda oblys ákiminiń bastamasymen jer telimin tańdaý aktisin kelisýdi avtomattandyrý qolǵa alyndy. Endi qol jınaý tolyq avtomatty rejımde júzege asady. Naqty aıtqanda, tańdaý aktisi jasalǵannan keıin, sáýlet bóliminiń mamany ol aktini kelisý úshin mekeme-uıymdarǵa elektrondy júıe arqyly ózi jiberedi. Nátıjesinde qyzmetti alý ýaqyty eleýli qysqarady. Mysaly, buryn oǵan 2-3 aı ýaqyt ketetin bolsa, endi bul protsedýra 5-10 kúnnen aspaıdy. Joba 26 naýryzda iske qosyldy, oǵan 19 mekeme-uıym tartylǵan», - dedi Murat Muqaev.