Oralda alaıaqtyqpen aınalysyp, aqsha bopsalaǵan 4 stýdent ustaldy

<p>ORAL. KAZINFORM &ndash; Oral qalasynda 4 stýdentten turatyn qylmystyq top quryqtaldy.&nbsp;</p>

BQO polıtsııa departamentiniń baspasóz qyzmetinen málim etkenindeı, olar qaladaǵy saýda ortalyqtarynyń qyzmetkerleri men oqý oryndarynyń stýdentterine alaıaqtyq áreketter jasap, tonaýshylyqqa baryp, aqsha bopsalady degen kúdikke ilinip otyr. 

«Atalǵan derekter boıynsha qylmystyq ister qozǵalyp, tergeý amaldary júrgizilýde. Tórt kúdikti ýaqytsha ustaý ızolıatoryna qamaýǵa alyndy, olardyń kolledj stýdentteri ekeni belgili boldy. Qylmystyq topqa qatysy bar basqa da adamdardy anyqtap, ustaý baǵytynda jedel izdestirý is-sharalary júrgizilýde. Osy qylmystyq toptan zardap shekkender bolsa, polıtsııaǵa habarlasý kerek», - dep habarlady vedomstvodan.

Eske sala keteıik, budan buryn BQO-da 25 jastaǵy turǵynnyń sýpermarketti tonap, 6 mln teńgeni jymqyryp ketkenin jazǵan bolatynbyz.