Oralda 39 ret jol erejesin buzǵan júrgizýshige 1 mln teńge aıyppul salyndy

<p>ORAL. KAZINFORM &mdash; Oral qalasynda polıtsııa qyzmetkerleri jol erejesin úsh kún ishinde 39 ret buzǵan júrgizýshini ustady.</p>

BQO polıtsııa departamentiniń baspasóz qyzmetinen málim etkenindeı, oblys aýmaǵynda jol erejesin buzýshylyqty anyqtaý maqsatynda «SuncarSmartQorgau» júıesi keńinen qoldanylady.

«Atalmysh júıeniń kómegimen Reseı Federatsııasynyń memlekettik nómiri kórsetilgen Mitsubishi Galant kóliginiń júrgizýshisi anyqtalyp, qolǵa tústi. Ol qala aýmaǵynda úsh kúnde 39 ret jyldamdyq rejımin arttyrǵan. Aıyppuldyń jalpy somasy — 1 mln teńge. Kólik arnaıy avtoturaqqa qoıyldy. Tekserý kezinde kóliktiń tehnıkalyq talaptarǵa saı emestigi jáne ózge de jol erejesin buzý faktileri belgili boldy», dep habarlady vedomstvodan.

Eske sala keteıik, budan buryn BQO-da jol apatynan qaza tapqan 2 adamnyń biri janyp ketkenin jazǵan bolatynbyz.