Oralda 30 otbasy baspanaly boldy

<p>ORAL. KAZINFORM - Oral qalasynda turǵyn úı kezeginde turǵan otbasylarǵa jańa páter kilti tabys etildi.</p>

Barlyǵy 30 páter jetim balalar, ardagerler, 1 jáne 2 top múgedekteri, tolyq emes jáne kópbalaly otbasylardyń músheleri, zeınetkerler, múmkindigi shekteýli balalardy tárbıelep otyrǵan ata-analar jáne ózge de sanattar boıynsha berildi.

Kóppáterli turǵyn úı Molodejnaıa kóshesinde ornalasqan. Oral qalasy ákiminiń orynbasary Jandos Dúısenǵalıev jańa qonys ıelerin quttyqtap, páter kiltterin tapsyrdy.

- Memleket basshynyń tapsyrmasyna sáıkes áleýmettik osal toptaǵy otbasylardy turǵyn úımen qamtamasyz etip jatyrmyz. Bıyl kezekte turǵan 188 otbasyǵa páter kiltterin tabystadyq. Búgin berilip jatqan turǵyn úı qalanyń ortalyq aýmaǵynda ornalasqan. Bul jerde buryn eski jáne apattyq jaǵdaıdaǵy úıler boldy. Qazir sol jerge kóppáterli turǵyn úılerdi salyp, halyq ıgiligine berýdemiz, - dedi Jandos Ashatuly.

Jańa páter ıesi Baqyt Jamanova qýanyshymen bólisti.

- Birneshe jyldan beri turǵyn úı kezeginde turdyq. Memleket saıasatynyń arqasynda osyndaı jaıly páterge qol jetkizip jatyrmyz. Baspanaly bolýǵa sebepshi bolǵan barsha azamattarǵa alǵys aıtamyn, - dedi B.Jamanova.

Eske sala keteıik, budan buryn Oralda sý basýy múmkin saıajaılardaǵy 350 otbasyǵa habarlama berilgenin jazǵan bolatynbyz.