Oral qalasynda balabaqshada 3 jasar qyz ystyq sorpaǵa kúıip qaldy, dep habarlaıdy Kazinform.
BQO densaýlyq saqtaý basqarmasy baspasóz qyzmetinen túsken málimet boıynsha, oqıǵa 10 qazan kúni qaladaǵy balabaqshalardyń birinde bolǵan.
«Jedel járdem saǵat 12.33-te shaqyrtyldy. 2020 jylǵy búldirshin abaısyzda ústine sorpa quıyp alǵan. Saldarynan basy, keýde tusy, aıaq-qoly men jambasynan 25 paıyz kúıik jaraqatyn alǵan. Qazirgi kezde oblystyq kópbeıindi balalar aýrýhanasynyń jansaqtaý bóliminde jatqan qyzdyń jaǵdaıy aýyr», dep habarlady vedomstvodan.
BQO polıtsııa departamentiniń baspasóz qyzmeti oqıǵanyń mán-jaıyn anyqtaý baǵytynda jedel tergeý toby jumys istep jatqanyn jetkizdi. Atalǵan oqıǵa boıynsha QR QK 141-baby 1-bóligine (balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý) sáıkes tergeý amaldary bastaldy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).