Oralda 23 mln teńgeni qolma-qol aqshaǵa aınaldyrǵan dropper sottaldy

<p>ORAL. KAZINFORM &mdash; Oral qalalyq sotynda dropper bolyp jumys istegen, ıaǵnı alaıaqtyq jolmen alynǵan qarajatty qolma-qol aqshaǵa aınaldyrǵan E-ge qatysty úkim shyqty.</p>

BQO prokýratýrasynyń baspasóz qyzmetinen málim etkenindeı, atalǵan sottalýshy 23 mln 122,5 myń teńgeni qolma-qol aqshaǵa aınaldyrǵan.

«Sot otyrysynda sottalýshy óz kinásin moıyndamaı, qarajattyń zańsyz shyǵý tegin bilmeımin dep óz áreketin aqtamaq bolǵan. Alaıda memlekettik aıyptaýshynyń prıntsıpti ustanymy jáne ol sotqa usynǵan sottalýshynyń kinásin dáleldeıtin bultartpas dálelder aıyptaý úkimin shyǵarýǵa yqpal etti. Nátıjesinde dropper QR QK 28-baby 5-bóligi jáne 190-baby 3-bóligi 1, 4-tarmaqtaryna sáıkes aıypty dep tanylyp, ol 4 jyl 6 aı merzimge bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteýge sottaldy. Úkim 28 tamyz kúni zańdy kúshine endi», - dep habarlady vedomstvodan.

Prokýratýra málimetine qaraǵanda, jyl basynan beri Oral qalasynda 23 alaıaq sottaldy. Bul júrgizilip jatqan aldyn alý sharalaryna, eskertýlerge qaramastan, alaıaqtardan zardap shekkender sany kóbeıip otyrǵanyn kórsetedi.

Osy oraıda eń kóp taralǵan alaıaqtyq shemalaryna turǵyndar nazaryn aýdarýǵa bolady.

Birinshisi. Alaıaqtar ózderin bankterdiń, quqyq qorǵaý organdarynyń nemese basqa uıymdardyń qyzmetkerlerimiz dep tanystyryp, túrli syltaýlarmen telefon soǵyp, jeke málimetterin, bank kartalarynyń derektemelerin berýdi nemese «qaýipsiz» shotqa aqsha aýdarýdy talap etedi.

Sońǵy kezderi ınternet arqyly alaıaqtyq faktileri jıilep ketti. Bul jalǵan ınternet-dúkender, fıshıngtik saıttar bolýy múmkin, munda paıdalanýshydan ártúrli syltaýlarmen bank kartasynyń derekteri nemese shottardyń qupııa sózderi alynady.

Sondaı-aq alaıaqtar áleýmettik jeliler men messendjerlerdegi akkaýnttardy buzady, sodan keıin dostarynyń nemese týystarynyń atynan kórsetilgen shottarǵa shuǵyl aqsha aýdarýdy suraıdy.

Taǵy bir túri, alaıaqtar azamattardy joq utystar týraly habardar etedi, biraq ony alý úshin ártúrli «salyqtardy» nemese «alymdardy» tóleýdi talap etedi.

Osy oraıda BQO prokýratýrasy jeke derekterdi jáne bank kartasynyń málimetterin eshqashan bógde adamǵa bermeý kerektigin, bank nemese memlekettik organdardyń qyzmetkerleri mundaı aqparatty telefon nemese ınternet arqyly suramaıtynyn eske salady.

Ekinshiden, aqparat kózderin tekserip, aqsha aýdarýdy suraıtyn qońyraý nemese habarlama kelse, nusqaýlardy oryndaýǵa asyqpaý kerek. Tekserilgen kontaktilerdi paıdalanyp, sol mekemege nemese adamnyń ózine habarlasý qajet. Basqa da saqtyq sharalaryn umytpaǵan lázim.

Eske sala keteıik, budan buryn BQO-da tabıǵatty qorǵaý prokýroryna qatysty qyzmettik tekserý júrgizilip jatqanyn jazǵan bolatynbyz.