ORAL. QazAqparat - Oralda «Qarasora» jedel aldyn alý is-sharasy barysynda 22 jastaǵy turǵyn asa iri kólemdegi esirtkimen ustaldy, dep habarlaıdy QazAqparat tilshisi.
BQO polıtsııa departamenti baspasóz qyzmetinen túsken málimetke qaraǵanda, oqıǵa Saratov kóshesi boıynda bolyp, 1999 jylǵy P. degen azamat qolǵa tústi.
Onyń turǵylyqty meken-jaıyn tintý kezinde ashyq-qońyr tústi untaq tárizdi zaty bar polıetılendi paket tárkilendi. Sondaı-aq 2 elektrondy tarazy, polıetılen paketter, 5 dana kók jáne 2 dana qara tústi elektrlik taspalar alyndy.
Saraptama qorytyndysyna sáıkes tárkilengen zattar 105,37 gramm mefedron bolyp shyqty.
Kúdikti ýaqytsha ustaý ızolıatoryna qamaldy.
Qazirgi kezde QR QK 296-baby 4-bóligine (asa iri kólemdegi esirtki zattaryn zańsyz saqtaý) sotqa deıingi tergeý amaldary júrgizilýde.
Eske sala keteıik, budan buryn Oral turǵynynyń arzan kólik alam dep 400 myń teńgesinen aıyrylǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).