Oralda 200-ge jýyq otbasy baspanaly boldy

ORAL. QazAqparat – Tuńǵysh Prezıdent kúnine oraı Oralda 198 páterlik 9 qabatty turǵyn úı paıdalanýǵa berildi, dep habarlaıdy QazAqparat tilshisi.

«Nurly jer» memlekettik baǵdarlamasy aıasynda salynǵan jalpy aýdany 5 673,87 sharshy metr bolatyn jańa úıden 198 otbasy páter aldy.

Olardyń qýanyshyn bólisken oblys ákimi Ǵalı Esqalıevtiń málim etkenindeı, tabysy az turǵyndardy baspanamen qamtamasyz etý maqsatynda «Nurly jer» baǵdarlamasy 2016 jyly Elbasy tapsyrmasyna sáıkes qolǵa alynǵan bolatyn. Sodan beri jyl saıyn kóp qabatty úıler boı kóterip, kóptegen turǵyndardyń qýanyshyna aınalýda.

Jalǵa beriletin jańa úıde turatyndar eki bólmeli páter úshin aıyna 10 myń teńgedeı tóleıdi. Páter kiltin alǵan 198 otbasynyń teń jartysy – kópbalaly otbasylar. Endi olar osynda turyp, jańa páterlerden sábı kúlkisi estilip, jas urpaq ósip-ónetin bolady.

Óńir basshysynyń sózine qaraǵanda, bıyl oblysta turǵyn úı qurylysyna 17 mlrd, sondaı-aq ınfraqurylym jelisin tartýǵa 3 mlrd teńge bólindi.

Qazirgi tańda Oral men Aqsaı qalalarynda kóp qabatty 17 jáne oblys aýdandarynda 474 úı salynýda. Sonymen qatar aldaǵy jyly oblys ortalyǵyndaǵy «Aqjaıyq» shaǵynaýdanynda jańa úıler boı kóteretin bolady.

Eske sala keteıik, budan buryn Oralda mektep-lıtseıdiń jańa ǵımaratqa kóshkenin jazǵan bolatynbyz.