Oralda 16 jastaǵy oqýshy pyshaq jaraqatyn aldy

<p>ORAL. KAZINFORM &ndash; Oral qalasynda jalpy bilim beretin orta mektepterdiń birinde eki joǵary synyp oqýshysy arasynda oqys oqıǵa boldy.</p>

BQO polıtsııa departamentiniń baspasóz qyzmetinen málim etkenindeı, úıge qaıtyp kele jatqan kezde oıyn barysynda oqýshynyń biri ekinshisin aıaǵynan jaraqattaǵan.

«Atalǵan derek boıynsha balalardyń ata-analary bir-birine shaǵym túsirmegen. Alaıda polıtsııa oqýshynyń biriniń ata-anasyn bala tárbıeleýdegi mindetin tıisinshe oryndamaǵany úshin ákimshilik jaýapkershilikke tartty. Jasóspirimder aldyn ala esepke qoıyldy. Kámeletke tolmaǵandar isi jónindegi komıssııaǵa tıisti usynys engizildi. ıÝvenaldy polıtsııa qyzmetkerleri aldaǵy ýaqytta mundaı oqıǵalardy boldyrmaýǵa baǵyttalǵan aldyn alý is-sharalaryn jalǵastyrýda», dep habarlady vedomstvodan.

BQO densaýlyq saqtaý basqarmasy baspasóz qyzmetiniń naqtylaýynsha, 23 qazan kúni saǵat 17.27-de pyshaq jaraqaty boıynsha jedel járdem qyzmetine shaqyrtý túsken. Jedel járdem brıgadasy 2008 jylǵy jasóspirimdi oblystyq kópbeıindi balalar aýrýhanasynyń jaraqat pýnktine jetkizdi. Jaraqat óńdelgennen keıin sol jer jansyzdandyrylyp, tigilgen. Ambýlatorlyq em taǵaıyndaldy.

Eske sala keteıik, budan buryn Oralda jas jigittiń 21 kúnnen beri tabylmaı jatqanyn jazǵan bolatynbyz.