Oralda 1 myń oryndyq sport kesheni paıdalanýǵa beriledi

<p>ASTANA. KAZINFORM &ndash; Batys Qazaqstan oblysynyń ákimi Narıman Tóreǵalıev óńirdegi sportty damytý, sport nysandaryn salý máselesin kóterdi.&nbsp;</p>

«Byltyr Memleket basshysy óńirge jumys sapary barysynda sportty damytýǵa qatysty birqatar tapsyrma júktedi. Qazir oblys ortalyǵynda 1 000 oryndyq kópfýnktsıonaldy sport kesheniniń qurylysy aıaqtalyp jatyr. Jalpy sport ınfraqurylymyn damytý maqsatynda bıyl 2 dene shynyqtyrý-saýyqtyrý kesheni jáne 1 modýldi sport kesheni paıdalanýǵa berildi. Osylaısha, oblystyń barlyq aýdan ortalyqtary sport keshenderimen tolyqtaı qamtamasyz etildi», - dedi Narıman Tóreǵalıev Ortalyq kommýnıkatsııalar qyzmeti alańynda ótken baspasóz máslıhatynda. 

Odan ári oblys ákimi aýyldardaǵy sportty jetildirý jumystaryna toqtaldy. 

«Aýyldardy sport nysandarymen qamtýdy bastap kettik, búginde 7 aýylda sport kesheni salyndy, kelesi jyly taǵy 6 aýylda sport keshenin salatyn bolamyz», - deıdi N. Tóreǵalıev. 

Eske sala keteıik, buǵan deıin Batys Qazaqstan oblysynda gaz óńdeý zaýyty salynatynyn jazǵan edik.