Oral túrmesindegi sýıtsıd: jazasyn óteýshi qyzyn zorlaǵany úshin sottalǵan

<p>ORAL. KAZINFORM &mdash; Oral qalasynda qaýipsizdigi ortasha qylmystyq-atqarý júıesi mekemesinde ózine qol jumsaǵan 46 jastaǵy er adam óziniń jasóspirim qyzyn zorlap, sýıtsıdke deıin jetkizgeni úshin sottalǵan bolyp shyqty.</p>

BQO boıynsha qylmystyq-atqarý júıesi departamentiniń baspasóz qyzmetinen málim etkenindeı, jazasyn óteýshi oqıǵa ornynda qaldyrǵan hatynda óziniń ólimine eshkimdi kinálamaýdy ótingen.

«Aldyn ala málimet boıynsha er adamnyń múrdesinen zorlyq-zombylyq belgileri tabylǵan joq. Ol jazasyn óteý kezinde syrtqy dúnıemen baılanys ornatpaǵan, sálemdeme almaǵan, eshkimmen jolyqpaǵan, telefonmen sóılespegen. Qazirgi kezde oqıǵanyń tolyq mán-jaıyn anyqtaý maqsatynda tekserý júrgizilýde. Sonyń qorytyndysy boıynsha tıisti sharalar qabyldanatyn bolady», - dep habarlady vedomstvodan. 

Qyzyn zorlaǵan ákesi 21 jylǵa sottalǵan. Ary aıaqqa basylǵan qyz óziniń ómirin qıǵan.

Eske sala keteıik, budan buryn Oral qalasynda túzetý mekemesinde jazasyn óteýshiniń sýıtsıd jasaǵanyn jazǵan bolatynbyz.