Oral turǵynynan 40 dana kıik múıizi tárkilendi
BQO polıtsııa departamenti baspasóz qyzmetinen túsken málimetke qaraǵanda, oqıǵa 23 tamyz kúni Zachagan kentinde boldy.
«Saǵat 14.00-de Jáńgir han kóshesi boıynda Jastar aıaldamasy mańynda 41 jastaǵy er adam qolǵa tústi. Odan 40 dana kıik múıizi tárkilenip, saraptamaǵa jiberildi. Qazirgi kezde QR QK 339-baby 1-1-bóligine (sırek kezdesetin jáne quryp ketý qaýpi tóngen janýarlar, sondaı-aq olardyń derıvattarymen zańsyz aınalysý) sáıkes sotqa deıingi tergeý amaldary júrgizilýde. Tergeý barysynda atalǵan er adamnyń kıiktiń osynshama múıizin qaıdan alǵany, qaıda satqysy kelgendigi anyqtalatyn bolady», dep habarlady vedomstvodan.
Eske sala keteıik, budan buryn BQO-da habarsyz ketken stýdenttiń tórtinshi kún izdestirilip jatqanyn jazǵan bolatynbyz.