Oral – Tasqala - RF shekarasy trassasy áli jabyq tur

ORAL. QazAqparat – Batys Qazaqstan oblysynda respýblıkalyq mańyzy bar jol áli jabyq tur, dep habarlaıdy QazAqparat tilshisi.

BQO Tótenshe jaǵdaılar departamenti baspasóz qyzmetiniń aqparatyna súıensek, búgin saǵat 10.30-daǵy málimet boıynsha Oral-Tasqala-RF shekarasy (72-104 km, Tasqala aýylynan RF shekarasyna deıin) joly ashylǵan joq.

Atalmysh jol boranǵa baılanysty 10 naýryz kúni saǵat 22.50-de jabylǵan bolatyn.

Eske sala keteıik, budan buryn Oral men Reseı shekarasyn jalǵaıtyn avtojolda uzyn-sonar keptelis paıda bolǵanyn jazǵan edik.

BQO TJ departamentiniń málimetine qaraǵanda, Oral-Tasqala-RF shekarasy jolynyń 103 jáne 104-shaqyrymynda turyp qalǵan 15 júk kóligi arshylǵan jerge shyǵaryldy. Keıin júk kólikteri saparlaryn jalǵastyrdy.