Oral men Reseı shekarasyn jalǵaıtyn avtojolda uzyn-sonar keptelis paıda boldy

ORAL. QazAqparat - Respýblıkalyq mańyzy bar «Oral-Tasqala-RF» avtojolynda keptelis paıda boldy, dep habarlaıdy QazAqparat.

Bul jaıynda oblystyq tótenshe jaǵdaılar departamenti málim etti.

Oǵan sáıkes, 11 naýryzda respýblıkalyq mańyzy bar «Oral-Tasqala-RF» avtojolynyń 103 jáne 104 shaqyrymynda qar keptelisinde bir táýlikten beri 15 júk kóligi tur, tamaǵy taýsylǵan.

Tasqala aýdany ortalyǵynan 55 shaqyrym qashyqtyqta. Qardyń bıiktigi 2 metrden asatyndyqtan «Qazavtojol» JShS qar jınaý tehnıkasy baıaý qozǵalyp jatyr.

Tasqala aýdanynyń jedel shtaby Trıkolmen azyq-túlik jetkizip júr.

Aıta keteıik, aýa raıynyń qolaısyzdyǵyna baılanysty BQO tótenshe jaǵdaılar departamentinde jedel shtab quryldy.

Jedel jeli nómiri: 55-40-88