Oral men Aqsaıda qoqys polıgony órtenip jatyr

<p>ORAL. KAZINFORM &ndash; Batys Qazaqstan oblysynda Oral men Aqsaı qalalarynda qatty turmystyq qaldyqtar polıgony janyp jatyr.</p>

BQO TJ departamentiniń baspasóz qyzmetinen málim etkenindeı, 31 mamyr kúni Bórli aýdany ortalyǵy Aqsaıda shamamen 300 sharshy metr, Oralda 2 gektar alańda qoqys otqa orandy.

Foto: BQO TJD

«Oral qalasyndaǵy qatty turmystyq qaldyqtar polıgony boıynsha 3 rang jarııalandy. Oralda polıgondaǵy órtti sóndirýge 20 adam, 6 tehnıka, Aqsaıda 26 adam, 6 tehnıka jumyldyrylǵan. Zardap shekkender joq. Órttiń shyǵý sebebi anyqtalý ústinde», - dep habarlady vedomstvodan.

Eske sala keteıik, budan buryn Batys Qazaqstanda dalada qurǵaq shóp órtengenin jazǵan bolatynbyz.