Oral mańynan taǵy 60 shaqty adam evakýatsııalandy
Іzdestirý-qutqarý jumysy barysynda Oral qalasynyń mańyndaǵy sý basqan aımaqtardan TJM kúshimen saıajaıdyń 60-tan astam turǵyny metall qaıyqpen evakýatsııalanǵan.
Azamattardy shuǵyl evakýatsııalaý boıynsha búkil jumys TJ mınıstri Shyńǵys Árinovtyń jetekshiligimen júrip jatyr.
Eske sala ketken jón, bir apta buryn qutqarýshylar azamattardan úıin tastap ketýdi talap etken bolatyn.
Alaıda, olar evakýatsııalyq pýnkterge ornalasýdan bas tartqan.
Sonymen qatar osy túni Terekti aýdanynda qutqarýshylar men jergilikti medıtsına qyzmetkeri 2 motorly qaıyqpen bir adamdy qutqardy.
Qutqarýshylar oǵan alǵashqy kómek kórsetip, jedel járdem qyzmetkerlerine tapsyrdy.
Eske sala keteıik, budan buryn Oral qalasynda Jaıyqtaǵy sý deńgeıi qaýipti shekten asyp ketkenin jazǵan bolatynbyz.
Oral qalasy tóńireginde saıajaılar sýǵa ketip jatyr.
BQO TJ departamenti sý basqan aýmaqtarda qalý qaýipti ekenin eskertti.
Oral saıajaılarynan adamdar májbúrli túrde kóshirilip jatyr.