Oral qalasynyń mańyndaǵy jerler jalǵa berilmekshi
00:52, 01 Qarasha 2017
ORAL. QazAqparat - Oral qalasyna qarasty Krýgloozernyı aýyldyq okrýgi aýmaǵynda aýyl sharýashylyǵy maqsatyndaǵy úsh jer telimin jalǵa berý úshin konkýrs jarııalandy, dep habarlaıdy «QazAqparat» tilshisi.
Oral qalasy jer qatynastary bóliminen túsken málimetke qaraǵanda, 89,67 gektar, 240 jáne 852 gektar egistik jerleri 10 jylǵa jalǵa berilmekshi. Konkýrsqa jeke jáne zańdy tulǵalar qatysa alady. Ótinimderdi qabyldaý merzimi 21 qarasha kúni aıaqtalady.
Konkýrs qorytyndysy 27 qarasha kúni belgili bolmaq. Onda arnaıy bilimi men aýyl sharýashylyǵy salasynda eńbek ótili jáne aýyl sharýashylyǵy daqyldaryn óńdeı alatyn tehnıkasy barlarǵa basymdyq beriledi. Jerdi ıelengender ony sol egistik maqsatynda paıdalanýy tıis.