Oral qalasynyń kentteri men aýyldyq okrýg bıýdjetteri 303 mln astam teńgege kóbeıtildi
Osyndaı ózgertý nátıjesinde qalaǵa qarasty kentter men aýyldyq okrýgter bıýdjeti 650,277 mln teńgege jetti.
Oral qalalyq ekonomıka jáne bıýdjettik josparlaý bólimi basshysynyń orynbasary Raýan Qýanovtyń málim etkenindeı, naqtylanǵan qarjynyń 93,594 mln teńgesi oblystyq bıýdjetten, 23,735 mln teńgesi qala qazynasynan, 186,315 mln teńgesi bıýdjet qarajatynyń bos qaldyqtary esebinen bólinip otyr.
Zachagan kentiniń Stroıtel kóshesin kúrdeli jóndeýge 94 mln teńge qaralsa, oǵan qosymsha eki aýlany abattandyrý jumystary bastalmaqshy. Bıýdjet qarajatynyń bos qaldyqtary esebinen berilgen qarjynyń 88 paıyzy, ıaǵnı 163,315 mln teńge Zachagan kentine jumsalmaq. Atap aıtqanda, sanıtarııalyq tazalyqty qamtamasyz etý, kógaldandyrý jumystaryna 114 mln teńge, balalar oıyn alańy men aıaldama pavılondary qurylysyna 23 mln teńge qaraldy. Sondaı-aq 16,145 mln teńgege Krýgloozernyıda saıabaq abattandyrylmaq. Kentter men aýyldyq okrýgterde basqa da jumystar atqarylady.