Oral qalasyndaǵy kópir jóndeý jumystaryna baılanysty jabylady
Oral qalasy ákiminiń baspasóz qyzmetinen málim etkendeı, osy maqsatqa 940 mln 671 myń teńge qarastyrylyp otyr. Oral-Podstepnyı baǵytyndaǵy Samara-Shymkent trassasy boıyndaǵy kópir 21 sáýir kúni jóndeýge jabylady.
«Ortasha jóndeý jumystaryn merdiger mekeme – «Adal arna» JShS atqarady. Jóndeý barysynda kópirdegi qalyńdyǵy 5-6 sm eski asfalt tósemi tolyqtaı kesilip alynyp, jańa asfalt jabyny tóseledi. 1961 jyly paıdalanýǵa berilgen kópir sodan beri aǵymdaǵy jóndeýlerden ótkenimen, tozyǵy etken. Odan júk kólikteriniń ótýine tyıym salynǵan. Asfalt tóseýmen qatar, kópirdiń deformatsııalyq tesikterin qalpyna keltirý, qorshaýlardy aýystyrý jáne jaryqtandyrý jumystary júrgiziledi. Qazirdiń ózinde 300 metr qorshaý aýystyryldy. Kópirdiń jabylýyna baılanysty qoǵamdyq kólik baǵyty da ózgeredi. Avtokólikter Melovye gorkı aýyly baǵytyndaǵy Jaıyq ózeninen ótetin kópir arqyly qatynaıtyn bolady. Jóndeý jumystaryn bir aptanyń ishinde aıaqtaý josparlanyp otyr», - dep habarlady vedomstvodan.
Foto: Oral qalasy ákimdigi