Oral qalasynda Táýelsizdik monýmenti turǵyzylmaq

ORAL. QazAqparat - Oral qalasyndaǵy jańa alańda Táýelsizdik monýmentin turǵyzýǵa 212,823 mln. teńge bólindi. Bul týraly búgin Oral qalalyq máslıhatynyń kezekti 10-ynshy sessııasynda málim boldy, dep habarlaıdy «QazAqparat» HAA tilshisi.

Atalǵan eskertkish oblys ortalyǵynda ótken jyly paıdalanýǵa berilgen 5-inshi jáne 7-shaǵynaýdandarynyń arasyndaǵy jańa alańda boı kóteretin bolady.

Oral qalalyq ekonomıka jáne bıýdjettik josparlaý bólimi basshysynyń mindetin atqarýshy Raýan Qýanovtyń sessııada málim etkenindeı, 2017 jylǵa arnalǵan shahar bıýdjeti 4 mlrd. 941,205 mln. teńgege naqtylandy. Munyń basym bóligi, ıaǵnı 3,2 mlrd. astam teńgesi - oblystyq bıýdjetten túsken transfertter. Sonyń ishinde oblys bıýdjeti esebinen Táýelsizdik monýmentinen basqa 281,084 mln. teńge memlekettik bilim berý mekemeleri úshin oqý-ádistemelik keshenderdi, oqýlyqtardy satyp alý men jetkizýge, 19,837 mln. teńge halyqty jumyspen qamtý baǵdarlamasyn júzege asyrýǵa, 25 mln. teńge aıaldama pavılondaryn ornatýǵa, 496,115 mln. teńge «Juldyz» shaǵynaýdanyndaǵy joldardy jóndeý men sýdan qorǵaýǵa, 109,813 mln. teńge avtokólik joldaryn ortasha jáne kúrdeli jóndeýge, 130,790 mln. teńge Zachagan kentinde kvartalishilik joldardy salý men kvartalishilik josparlaýdy jalǵastyrýǵa, 2 mlrd. 62,829 mln. teńge osy kenttegi úsh turǵyn úı qurylysyn aıaqtaýǵa baǵyttaldy. Oǵan qosa qala bıýdjetiniń  kiristeri men bos qaldyqtarynan quralǵan 1 mlrd. 733,704 mln. teńge bilim berý nysandaryn kúrdeli jóndeý, qalany abattandyrý jáne basqa maqsattarǵa jumsalatyn bolady.

Osy ózgertýlerdi qosqanda, qala bıýdjeti 26 mlrd. 828,789 mln. teńgeni quramaq.