Oral qalasynda avtokólikten 600-den astam kıik múıizi tabyldy

ASTANA. QazAqparat – Oral qalasynda avtokólikten 642 dana kıik múıizi tabyldy, dep habarlaıdy QazAqparat tilshisi.

«Ohotzooprom» ÓB» RMQK Batys Qazaqstan óńirlik fılıalynan málim etkendeı, oqıǵa Zachagan kentiniń Birlik kóshesindegi №17 úıdiń aldynda bolǵan.

QR UQK BQO boıynsha departamentiniń qyzmetkerleri men «Ohotzooprom» ÓB» RMQK ınspektorlary birlesip júrgizgen jedel is-sharalar kezinde bir turǵynnyń basqa adamdardyń kómektesýimen kıik múıizderin ótkizbektigi ekendigi jóninde málimet alyndy.

«Departament qyzmetkerleri men «Ohotzooprom» ınspektorlary atalǵan úıdiń aldynda Chevrolet Captiva avtokóligin tintip, tergeý amaldaryn júrgizdi. Tintý barysynda avtokólik salonynyń artqy jaǵy men júk salǵyshynan 5 qapqa salynǵan 642 dana kıik múıizin taýyp, tárkiledi. Saraptama taǵaıyndalyp, QR QK 339-babyna sáıkes tergeý amaldary júrgizilip jatyr», - dep habarlady vedomstvodan.

Eske sala keteıik, budan buryn Batys Qazaqstanda 100-den astam kıiktiń sýdan shyǵarylǵanyn jazǵan bolatynbyz.