ASTANA. QazAqparat – Oral qalasynda avtokólikten 642 dana kıik múıizi tabyldy, dep habarlaıdy QazAqparat tilshisi.
«Ohotzooprom» ÓB» RMQK Batys Qazaqstan óńirlik fılıalynan málim etkendeı, oqıǵa Zachagan kentiniń Birlik kóshesindegi №17 úıdiń aldynda bolǵan.
QR UQK BQO boıynsha departamentiniń qyzmetkerleri men «Ohotzooprom» ÓB» RMQK ınspektorlary birlesip júrgizgen jedel is-sharalar kezinde bir turǵynnyń basqa adamdardyń kómektesýimen kıik múıizderin ótkizbektigi ekendigi jóninde málimet alyndy.
«Departament qyzmetkerleri men «Ohotzooprom» ınspektorlary atalǵan úıdiń aldynda Chevrolet Captiva avtokóligin tintip, tergeý amaldaryn júrgizdi. Tintý barysynda avtokólik salonynyń artqy jaǵy men júk salǵyshynan 5 qapqa salynǵan 642 dana kıik múıizin taýyp, tárkiledi. Saraptama taǵaıyndalyp, QR QK 339-babyna sáıkes tergeý amaldary júrgizilip jatyr», - dep habarlady vedomstvodan.
Eske sala keteıik, budan buryn Batys Qazaqstanda 100-den astam kıiktiń sýdan shyǵarylǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).