Oral qalasy mańynda qurǵaq shóp pen butalar órtenip jatyr

ORAL. QazAqparat - Oral qalasy mańynda qurǵaq shóp pen butalar órtenip jatyr, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa 30 maýsym kúni Derkól kentinde boldy.

«Saǵat 11.42-de»Saryarqa«shaǵynaýdanynda shamamen 3 ýchaskede 5 gektar aýmaqta qurǵaq shóp pen butalar otqa orandy.»Tilsiz jaýdy«aýyzdyqtaýǵa TJ departamenti, orman sharýashylyǵy, erikti órt sóndirý qurylymynan 66 adam 21 tehnıkamen jumyldyryldy. Janý ornyna TJ departamentiniń men Oral qalasy ákimdiginiń basshylyǵy bardy. Qazirgi kezde órtti sóndirý jumystary júrgizilýde. Eldi mekenge qaýip joq. Oqıǵaǵa oraı jedel shtab quryldy. Kúni búgin Oralda temperatýra tili 33 gradýsqa deıin kóterildi. Jeldiń jyldamdyǵy - sekýndyna 5 metr», - dep habarlady vedomstvodan.

Departament málimeti boıynsha órt saǵat 16.16-da oqshaýlandy.