Oral qalasynda jol apatynan eki adam kóz jumdy
BQO polıtsııa departamentiniń baspasóz qyzmetinen málim etkendeı, oqıǵa qalaǵa qarasty Derkól kentinde boldy.
«18 shilde kúni shamamen saǵat 14.00-de 65 jastaǵy júrgizýshi Subaru Legacy avtokóligimen Báıterek aýdany Beles aýyly jaqtan basty jolda kele jatyp, 34 jastaǵy júrgizýshi aıdaǵan VAZ-2111 avtokóligimen túıisken. VAZ-2111 avtokóliginde bes adam bolǵan. Sonyń ishinde eki jolaýshy kóz jumdy. Qazirgi kezde QR QK 345-baby 4-bóligine sáıkes sotqa deıingi tergeý amaldary júrgizilýde» dep habarlady vedomstvodan.
BQO densaýlyq saqtaý basqarmasy baspasóz qyzmetiniń naqtylaýynsha, 1972 jáne 1987 jylǵy er adamdar jedel járdem kelgenge deıin qaıtys bolǵan.
Qalalyq kópbeıindi aýrýhanaǵa jetkizilgen 1988 jylǵy er adam polıtravma bólimshesinde em alýda.
1988 jylǵy er adam oblystyq kópbeıindi aýrýhananyń hırýrgııa bólimshesine jatqyzyldy.
Ekeýiniń de jaǵdaıy aýyr. 1985 jylǵy er adamǵa alǵashqy medıtsınalyq járdem kórsetilip, ambýlatorııalyq em taǵaıyndaldy.
BQO prokýrorynyń aǵa kómekshisi Dınara Nursultanovanyń aıtýynsha, jyl basynan beri óńirde 499 jol-kólik oqıǵasy (ótken jyly osy merzimde – 209) tirkelip, sonyń saldarynan 53 adam (47) mert bolǵan, 692-si (254) jaraqat aldy.
Ótken jyldyń osy kezeńimen salystyrǵanda, jol apaty 138 paıyzǵa kóbeıgen.
Jol-kólik oqıǵalarynyń basym bóligi (416) Oral qalasynda tirkelip otyr.
Eske sala keteıik, budan buryn áleýmettik jelide mas kúıde balaǵat sózder aıtqan turǵynnyń ustalǵanyn jazǵan edik.