Oral qalasyndaǵy JEO 86% tozǵan – Oljas Bektenov
Sapar barysynda Úkimet basshysy 1961 jyldan beri jumys istep turǵan «Batys Sý Arnasy» sýmen jabdyqtaý jáne sý burý kásipornynda boldy. Oral qalasy aýyz sýdy negizinen Jaıyq ózeni jáne jerasty kózderinen alady. 2023 jyly 6 sý uńǵymasynyń qurylysy aıaqtalǵan. Sondaı-aq qazir jumys istep turǵan sý tazartý qondyrǵysynyń ábden tozyǵy jetken.
Oljas Bektenov óńir basshylyǵynyń nazaryn turǵyndar tarapynan, ásirese jaz aılarynda aýyz sý tapshylyǵyna qatysty aryz-shaǵymdarǵa aýdaryp, sý tazartý júıesin rekonstrýktsııalaýǵa baılanysty JSQ ázirleýdi jyl sońyna deıin aıaqtaýdy tapsyrdy. Onyń óndiristik qýatyn táýligine 50 myń tekshe metrge deıin arttyrý kerek.
Úkimet qajetti qoldaý kórsetetin bolady. Sýmen jabdyqtaý jelilerin (tozý – 60,5%), sý burýdy (tozý – 61,3%) jańǵyrtýdy jedeldetý, sondaı-aq káriz-sorǵy stansalaryn rekonstrýktsııalaý boıynsha birqatar tapsyrma berildi. Sonymen qatar Premer-Mınıstr qaýipti qyzyl aımaqta ornalasqan «Jaıyqjylýenergo» AQ elektr jáne jylý energııasyn óndirý kásipornynyń qazirgi jaǵdaıymen tanysty.
Kásiporynda Oljas Bektenov bas dıspetcherlik bólmeni, týrbına zaly men qazandyqty aralap kórdi. Búgingi tańda úsh qazandyq agregaty (№2,4,9) men týrbınany jóndeý jumystary aıaqtaldy, 16,5 shaqyrym jylý jelileri jóndeldi. Sonymen qatar úsh energetıkalyq qazandyq pen №3 týrbınany kezeń-kezeńimen aýystyrý jobasyn ázirleý jumystary bastaldy. Bul sharalar búkil stansa jumysynyń senimdiligin arttyrýǵa baǵyttalǵan.
«Memleket basshysy atap ótkendeı, eldi mekenderdiń tynys-tirshiligine qajetti barlyq júıeniń úzdiksiz jumys isteýin qamtamasyz etý – Úkimet pen ákimdikterdiń negizgi mindetteriniń biri. Respýblıka boıynsha JEO tozýy 66%-dy, al Oral qalasynda 86%-dy qurap otyr. Jobalyq-smetalyq qujattama qalaı daıyn bolady, ákimdik tıisti ótinimdi engizýi tıis. Ony qarap, kezeń-kezeńimen sheshemiz», – dedi Oljas Bektenov.
Sondaı-aq Úkimet basshysyna taýarlyq gaz óndirisin arttyrý jáne óńirdi gazdandyrý barysy boıynsha júrgizilip jatqan jumystar týraly baıandaldy. Sonymen qatar jylytý maýsymyn eskere otyryp, óńir basshylyǵyna eldi mekenderdiń tynys-tirshiligine qajetti barlyq júıeniń úzdiksiz jumys isteýin qamtamasyz etýdi erekshe baqylaýda ustaý tapsyryldy.