Oral qalasynda jańa avtobýstar jolǵa shyqty
Qala ishinde qatynaıtyn qoǵamdyq kólik qatary «Yutong» markaly úlken klasty 10 jańa avtobýspen tolyqty.
Batys Qazaqstan avtobýs parki satyp alǵan jańa qoǵamdyq kólikterdi tabystaý rásimine Oral qalasynyń ákimi Mırjan Satqanov qatysty.
Shahar basshysy oraldyqtardy Respýblıka kúni merekesimen quttyqtap, jańa avtobýs kiltterin júrgizýshilerge tabys etti.
M.Satqanov jyl saıyn qaladaǵy avtobýs parkteri jańaryp jatqanyn atap ótti. Bul jumystar jol aqysyn tóleýdiń elektrondyq júıesin engizýdiń jáne áleýmettik mańyzy bar marshrýttarda tasymaldaýshylardyń shyǵyndaryn sýbsıdııalaýdyń arqasynda múmkin bolyp otyr.
Jelige qosylǵan jańa avtobýstar múgedektigi bar jandarǵa qyzmet kórsetýge beıimdelgen, kondıtsıonermen, kúsheıtilgen jylytý júıesimen jáne beınekameramen jabdyqtalǵan.
Jańa avtobýstardyń úsheýi metan gazymen júrýge arnalǵan.
Bul – únemdi jáne ekologııalyq taza otyn túri bolǵandyqtan, qorshaǵan ortany lastaý deńgeıi tómen.
«Batys Qazaqstan avtobýs parki» JShS qalalyq №2, 4, 19, 22, 30d, 52 jáne alty saıajaı marshrýttary boıynsha qyzmet kórsetedi.
Qalalyq qoǵamdyq kóliktiń jyljymaly quramyn jańartý jáne keńeıtý sheńberinde avtopark 2021-2023 jyldar aralyǵynda 109 avtobýs, onyń ishinde 43 jańa avtobýs satyp alǵan.