Oral qalasynda tanysyn óltirgen turǵyn 9 jylǵa sottaldy

<p>ORAL. KAZINFORM &ndash; Oral qalalyq sotynda QR QK 106-baby 3-bóligine sáıkes aıyp taǵylǵan V-ǵa qatysty úkim shyqty.</p>

BQO sotynan alynǵan málimetke qaraǵanda, bıylǵy 10 tamyzda shamamen saǵat 22.00-de atalǵan turǵyn saıajaıda óziniń tanysy B-ny alkogoldik ishimdik ishýge shaqyrǵan.

Alkogoldik ishimdikterdi ishkennen keıin V. óziniń tanysyn shyǵaryp salýdy uıǵaryp, sol jerden ketip bara jatqanda, olardyń arasynda janjal týyndap, sońy tóbeleske ulasqan. Sonyń barysynda V. tanysynyń ishine pyshaq salǵan. Saldarynan B. qalalyq aýrýhanada esin jımaı, kóz jumdy.

«Sot is materıaldaryn zertteı kele, sottalýshynyń kinási abaısyzda jábirlenýshiniń qaıtys bolýyna ákep soqtyrǵan densaýlyqqa qasaqana aýyr zııan keltirdi degen qorytyndyǵa keldi. 
V. 9 jylǵa bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteýge sottaldy. Úkim zańdy kúshine engen joq», - dep habarlady vedomstvodan.

Eske sala keteıik, budan buryn BQO-da traktormen adam qaǵyp óltirgen polıtseıdiń qyzmetinen qýylǵanyn jazǵan bolatynbyz.