Oral qalasynda sýǵa ketken barlyq saıajaı tehnıkalyq zertteýden ótedi

<p>ORAL. KAZINFORM &ndash; Batys Qazaqstan oblysynyń ákimi Narıman Tóreǵalıev pen Oral qalasynyń basshysy Mırjan Satqanov tasqynnan zardap shekken №1, 2, 3 jáne &laquo;Nurly jol&raquo; saıajaılarynyń turǵyndarymen kezdesti.</p>

Kezdesýge kelgen turǵyndar tarapynan ózektiligin joǵaltpaı otyrǵan birqatar suraq qoıyldy. Olardy sý basqan saıajaılardy qalpyna keltirý, jańa úı alý, áleýmettik kómekke júginý jáne basqa máseleler alańdatyp otyr. Zardap shekken ár azamatqa tıisti kómek kórsetiletinin atap ótken oblys ákimi búginde Oral qalasynda sý tasqynynan zardap shekkenderdiń shyǵynyn esepteý jáne materıaldyq kómek tóleý jónindegi arnaıy komıssııa jumysyn bastaǵanyn aıtty.  

Foto: BQO ákimdigi

N.Tóreǵalıevtiń sózinshe, barlyq saıajaı kezeń-kezeńimen tehnıkalyq zertteýden ótedi. Turǵyndar kómeksiz qalmaıdy. Bir jolǵy áleýmettik tólemder berilip jatyr. Atalǵan jumys jalǵasyn tabady. Búginde oblys boıynsha zardap shekken 2 264 otbasyǵa 813 mln teńge kóleminde (100 aılyq eseptik kórsetkish) birjolǵy áleýmettik tólem berilse, sonyń ishinde 863-i – saıajaıda turatyndar. Aldaǵy ýaqytta turǵyndardan túsken ótinishter negizinde tólem tóleý isi jalǵaspaq. 

Foto: BQO ákimdigi

Mundaı kezdesýlerdi oblys, qala basshylyǵy jıi ótkizetin bolady. Narıman Tóreǵalıev azamattardyń máselelerin baqylaýda ustaıtynyn jetkizdi. 

Foto: BQO ákimdigi

Osyǵan deıin de saıajaı turǵyndarymen turaqty negizde kezdesýler ótkizildi, túsindirý jumystary aldaǵy ýaqytta da jalǵasatyn bolady.

Eske sala keteıik, budan buryn Jaıyq ózeniniń deńgeıi Taıpaq aýyly tusynda qaýipti shekten asyp ketkenin jazǵan bolatynbyz.

Batys Qazaqstan oblysynda jańadan sý qoımalary qashan salynady.

BQO-da sý basqan aýmaqtarda synamalar alynyp, dezınfektsııalaý jumystary júrgizilip jatyr.