ORAL. KAZINFORM — Oral qalasynyń mańynda ornalasqan «Kosmos» jáne «Komarov» baý-baqsha seriktestikterinde buryn úılerinen ketýden bas tartqan jergilikti turǵyndar shuǵyl evakýatsııalanýda.
BQO TJ departamentiniń baspasóz qyzmetinen málim etkenindeı, osy sátke deıin qutqarýshylar úıleriniń tóbesinde turǵan 4 jergilikti turǵyndy alyp shyqty.
«Azamattardy sý basqan aımaqtan evakýatsııalaý arnaıy operatsııasy TJ mınıstri Shyńǵys Árinovtiń úılestirýimen júrgizilýde. Tikushaq áýege kóterildi. Jumystar júzý quraldarymen júrgizilýde. Adamdardy izdeý úshin ushqyshsyz ushý apparaty iske qosyldy», dep habarlady vedomstvodan.
Eske sala keteıik, budan buryn Oral qalasynda Jaıyqtaǵy sý deńgeıi qaýipti shekten asyp ketkenin jazǵan bolatynbyz.
Oral qalasy tóńireginde saıajaılar sýǵa ketip jatyr.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).