Oral qalasynda sý basqan saıajaılardan 4 adam qutqaryldy

<p>ORAL. KAZINFORM &mdash; Oral qalasynyń mańynda ornalasqan &laquo;Kosmos&raquo; jáne &laquo;Komarov&raquo; baý-baqsha seriktestikterinde buryn úılerinen ketýden bas tartqan jergilikti turǵyndar shuǵyl evakýatsııalanýda.</p>

BQO TJ departamentiniń baspasóz qyzmetinen málim etkenindeı, osy sátke deıin qutqarýshylar úıleriniń tóbesinde turǵan 4 jergilikti turǵyndy alyp shyqty. 

«Azamattardy sý basqan aımaqtan evakýatsııalaý arnaıy operatsııasy TJ mınıstri Shyńǵys Árinovtiń úılestirýimen júrgizilýde. Tikushaq áýege kóterildi. Jumystar júzý quraldarymen júrgizilýde. Adamdardy izdeý úshin ushqyshsyz ushý apparaty iske qosyldy», dep habarlady vedomstvodan.

Eske sala keteıik, budan buryn Oral qalasynda Jaıyqtaǵy sý deńgeıi qaýipti shekten asyp ketkenin jazǵan bolatynbyz. 

Oral qalasy tóńireginde saıajaılar sýǵa ketip jatyr.