Oral qalasynda saıajaı turǵyndary eki kún boıy jaryqsyz qaldy

<p>Oral qalasynyń Derkól kentinde birneshe kóshe men saıajaı turǵyndary eki kún boıy jaryqsyz qaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Turǵyndar osyǵan oraı 24 qarashaǵa qaraǵan túni Derkól kenttik okrýgi ákimdigine jınalyp, qashan jaryq bergenshe taramaıtynyn aıtyp, renishin bildirdi.

Oral qalasy ákiminiń baspasóz qyzmeti oqıǵany rastap, aýa raıynyń qolaısyzdyǵyna (qalyń qar, kúshti jel) baılanysty Derkól kentiniń 10-0,4 kV taratý jelilerinde apattyq ajyratýlar bolǵanyn jetkizdi.

Sonyń saldarynan 22 qarasha kúni tańerteńnen bastap keıbir kósheler (Derkól, Sharyn, Dal, Tıhaıa), sonyń ishinde «Úmitker» men «ıAgodka» saıajaılary jaryqsyz qaldy (abonentter sany – 568).

«Apatty joıý úshin kent aýmaǵynda 4 mamannan 2 brıgada jumys istedi. Elektr qýaty 23 qarasha kúni saǵat 20.00 shamasynda qosyldy. Alaıda Tıhaıa, Severnaıa kóshesi, Derkól kóshesiniń jartysy jáne «Úmitker» men «ıAgodka» saıajaılarynda elektr jaryǵy qosylǵan joq. Elektr qýaty qalypqa kelgenge deıin atalǵan saıajaılardy basqa fazaǵa ýaqytsha qosý týraly sheshim qabyldandy. Nátıjesinde «Úmitker» baý-baqsha seriktestiginde elektr qýaty 24 qarasha kúni saǵat 02.00-de «ZapKazREK» AQ kúshimen qosyldy. Sonymen qatar Derkól kentiniń turǵyndaryna túsinikteme berildi. Qazirgi ýaqytta 2 apattyq brıgada elektr qýatynyń úzilý sebebin joıý úshin Derkól kentiniń aýmaǵynda jumys istep jatyr. Derkól kentinde áli qosylmaǵan abonentter sany – 94», - dep habarlady vedomstvodan.

Turǵyndardyń sózine qaraǵanda, osyndaı jaǵdaı Jańaqala aýdany Jańaqazan aýylynda bolǵan. Munda da jaryq eki kúnnen keıin qosylǵan.

Eske sala keteıik, budan buryn Batys Qazaqstanda elektr jelileri úzilip, joldar jabylǵanyn jazǵan bolatynbyz.