Oral qalasynda medıtsınalyq mekemege aıyppul salyndy

<p>&laquo;Batys Qazaqstan oblysy Densaýlyq saqtaý basqarmasynyń Oblystyq kardıologııalyq ortalyǵy&raquo; KMK qatysty ákimshilik quqyq buzýshylyq týraly is qozǵaldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

Tehnıkalyq retteý jáne metrologııa komıtetiniń málimetinshe, kásiporyn tekserýden ótpegen medıtsınalyq jabdyqtardy: elektrolıttik analızatordy, psıhrometrııalyq VIT-2 gıgrometrin, defıbrılıatorlardy, avtomatty gematologııalyq analızatorlardy, qarqyndy terapııaǵa arnalǵan ókpeni jasandy jeldetý apparattaryn qoldanýǵa ruqsat bergen.

Aıta ketý kerek, mundaı senimdi emes medıtsınalyq ólsheý quraldaryn qoldaný aýrýlardyń durys emes dıagnozyna jáne medıtsınalyq qyzmetterdiń sapasyz kórsetilýine ákelýi múmkin.

Ákimshilik hattamany jasaýǵa QR DSM Medıtsınalyq jáne farmatsevtıkalyq baqylaý komıtetiniń Batys Qazaqstan oblysy boıynsha departamentinen kelip túsken materıaldar negiz bolǵan.

"Qysqartylǵan is júrgizý quqyǵyn paıdalaný, buzýshylyq faktisin taný, 50% mólsherinde aıyppul tóleýge kelisý jáne shaǵymdaný nıetiniń bolmaýyna baılanysty mekeme jeti táýlik ishinde 2,7 mln teńgeden astam somaǵa ákimshilik aıyppul tóledi", - dep jazdy komıtetten.