Oral qalasynda qos qabatty kafede órt shyqty

<p>ORAL. KAZINFORM &ndash; Oral qalasynda qos qabatty ǵımaratta ornalasqan dámhana órtendi.</p>

BQO TJ departamentiniń baspasóz qyzmetinen málim etkenindeı, oqıǵa 30 qazan kúni saǵat 09.45-te M.Sholohov kóshesi boıyndaǵy 5B-mekenjaıynda boldy.

Foto: BQO TJD

Órt sóndirýshiler (úsh bólimshe) kelip jetkende, ǵımaratty qatty tútin alyp ketken. Sol sebepti órt ekinshi rangi boıynsha júrgizilip, oblystyq shtab uıymdastyryldy.

«Órt kafeniń jertólesinen shyqqan. 2022 jyly salynǵan ǵımarattyń jalpy aýmaǵy – 826 sharshy metr. «Tilsiz jaýdy» aýyzdyqtaýǵa 47 adam, 12 tehnıka jumyldyryldy. Órt saǵat 10.29-da oqshaýlanyp, 11.22-de sóndirildi. Zardap shekkender joq. Qazirgi kezde órttiń shyǵý sebebi, keltirilgen shyǵyn anyqtalyp jatyr», dep habarlady vedomstvodan.

Eske sala keteıik, budan buryn Batys Qazaqstanda aýmaǵy 300 sharshy metr qoıma janyp ketkenin jazǵan bolatynbyz.