Oral qalasynda kafede jarylys bolyp, sońy órtke ulasty

<p>Oral qalasynda kafede jarylys bolyp, órt shyqty, dep habarlaıdy <a href="https://www.inform.kz/" target="_blank" rel="noopener">Kazinform</a>.</p>

BQO TJ departamentiniń baspasóz qyzmetinen málim etkendeı, 4 qańtar kúni saǵat 02.07-de Syrym Datuly kóshesi 52-mekenjaıynda órt shyqqany jóninde habar túsken.

Oqıǵa ornyna saǵat 02.17-de jetken órt sóndirýshiler eki qabatty RIZYQ dámhanasynyń ǵımaratynda aldyn ala boljam boıynsha gaz-aýa qospasynyń jarylysy bolǵanyn habarlady.

Saldarynan ǵımarattyń 110 sharshy metr bóligi qırap, 25 sharshy metr aýmaqty órt sharpyǵan.

«Tilsiz jaý» saǵat 02.40-ta aýyzdyqtaldy. Oqıǵa ornynan órt sóndirýshiler men jeke quramnan 39 adam, 13 tehnıka, jedel járdem brıgadasy (18 adam, 6 tehnıka) polıtsııa departamenti (28 adam, 7 tehnıka) qyzmetkerleri jumys jasady. Qazirgi ýaqytta BQO TJD jáne oblys ákimdiginiń kúshterimen qıraǵan úıindilerdi tazartý boıynsha jumystar júrgizilýde. Zardap shekkenderge shuǵyl psıhologııalyq kómek kórsetý úshin BQO TJD shtabynda 8 [phone] nómiri boıynsha jedel jeli jumysy uıymdastyryldy» dep habarlady vedomstvodan.

Oqıǵany BQO ákimdigi de rastap, oqıǵa ornyna oblys ákimi Narıman Tóreǵalıevtiń arnaıy barǵanyn, zardap shekkender bar ekendigin jetkizdi.

Qazirgi kezde istiń mán-jaıy anyqtalyp jatyr.