Oral qalasynda bir apta boıy ystyq sý bolmaıdy

<p>ORAL. KAZINFORM &mdash; Oral qalasynda 19-25 tamyz aralyǵynda turǵyndar úshin ystyq sý berý toqtatylady.</p>

Oral qalasy ákimdiginen málim etkenindeı, bul «Intergaz Ortalyq Azııa» AQ magıstraldyq gaz qubyrlary basqarmasy Oral fılıalynyń shahardaǵy gaz qubyrlarynda synaqtar ótkizýine baılanysty.

«Sondyqtan taýarly gaz berý toqtatylady. Ystyq sýdyń berilmeýi soǵan baılanysty bolmaq. Josparlanǵan jumystar merziminen buryn aıaqtalǵan jaǵdaıda ystyq sý berý burynǵysha qaıta qalpyna keltiriledi», dep habarlady vedomstvodan.

Eske sala keteıik, budan buryn Oralda jóndeýge baılanysty kóshe men avtokópir jabylǵanyn jazǵan bolatynbyz.